Lonxe de ser un simple punteiro para practicar, Master Gaita ® é unha sinxela pero eficaz ferramenta que permite utilizar a dixitación da gaita para introducirse no universo MIDI e controlalo, á vez que abrir novos horizontes para o estudio da técnica e a música do instrumento. Ao conectalo a un ordenador co seu correspondente programa, poderase, non só tocar co son de cualquera instrumento utilizando a propia dixitación, senón tamén interpretar co son da gaita tradicional. Esto conséguese utilizando mostras previamente gravadas e elaboradas para conseguir un resultado acústico moi perto do real. O control do volume sonoro permite tocar a cualquera hora do día sin preocuparse das molestias que a gaita acústica podería causar.

O instrumento está rixidamente montado nun tubo de PVC con nove dispositivos táctiles moi sensibles, de modo que basta o contacto dun dedo ao descansar sobre calquera deles para que se activen. Un cable semiríxido e unha pequena caixa plástica encárganse de manter o punteiro nunha posición fixa e cómoda, como si estiviera encaixado nun fol. O cable de 2'5 metros de longo que sae da caixa leva as sinais MIDI ao ordenador ou ao módulo de son ao que se conecte.

Características:

• Cinco dixitacións cromáticas seleccionables con un sinxelo comando (Galega, Asturiana, Escocesa, Francesa e Estendida de 2'5 octavas)
• Compatible con outras gaitas como a de Boto, Sac de Gemecs e Xeremía.
• Cambeo a cualquera tonalidade e octava.
• Control independente do roncón e ronqueta, permitindo afinar esta última na tónica ou na dominante.
• Catro programas sonoros seleccionables con dous instrumentos cada un.
• Acompañamento automático a dúo por terceiras superiores ou inferiores.
• Conexión directa a un PC utilizando o conector do joystick.
• Conexión a unha cadea MIDI estándar co cable MIDI incorporado.
• Posibilidade de conexión a MAC ou portátil mediante un conversor USB - MIDI (non incluido).
• Auto-apagado tras dous ou dez (a escoller) minutos de inactividade.
• Suxección exactamente igual que a gaita, non sendo necesario apoio na boca ou pernas.
• Activación de sensores sen necesidade de humedecer os dedos.
• Alimentación con pila de nove voltios ou fonte externa.
• Suminístranse un completo manual así como samples para tocar con son real de gaita.

Posibilidades de uso:

• Gravación de interpretacions ou improvisacions no disco duro en formato MIDI ou audio para posterior edición, mestura, etc.
• Estudio e mellora de distintas dixitacións.
• Acompañamento de gravacións de outros gaiteros en CD, MP3, WAV, etc.

Respostas ás preguntas máis frecuentes:

Pulse aquí para ver a páxina que as recolle.

Mostras de son:

• Con sons dunha tarxeta Sound Blaster AWE 64:
  • Paralaia, por Xosé Manuel Budiño.
  • Muiñeira da Grelada, por Marcos Campos.
  • Jigas, por Marcos Campos.
• Con samples caseiros dun puntero de granadillo de Seivane en Do pechado:
  • Xota da Mahía, por J. Presedo.
• Con samples gravados das gaitas de Pablo Nogueira y Magoia Bodega:
  • Punteiro Seivane en DO: Pasodobre de Mallou por J. Presedo.
  • Punteiro Seivane en RE: O Albariño de J. Presedo por J. Presedo.
  • Punteiro de Seivane en LA: Muiñeira das Mariñas de Os Mariñáns de Guísamo por J. Presedo
• Con un sample de Uilleann pipe (formato mp3):
  • Sei un saco por Pedro Lucas (Fuxan os Ventos)